fbpx

រ​ដ្ឋបាលរាជធានីភ្នំពេញ ផ្តល់ការអប់រំ ផ្សព្វផ្សាយ ដល់មន្រ្តីឱ្យយល់ដឹងអំពីព័ត៌មាន ​និងពីវិធានការការពារខ្លួន​ពី វីរុស កូវីដ ១៩

ចែករំលែក

ភ្នំ​​​​​​​​​​​​​​​​​​​​​​​​​​ពេញ ៖ អភិបាលនៃគណៈអភិបាល រា​ជធានីភ្នំពេញ ដឹកនាំមន្រ្តីជំនាញផ្តល់ការអប់រំ ផ្សព្វផ្សាយ ដល់មន្រ្តីចំណុះរដ្ឋបាលរាជធានីភ្នំពេញឱ្យមានការយល់ដឹងបន្ថែមទៀតជុំវិញព័ត៌មាននានា ក៏ដូចជាវិធានការក្នុងការប្រយុទ្ធប្រឆាំង ​និងការពាខ្លួនពីវីរុសកូវីដ១៩ ដែលបាន និ​ងកំពុងរីករាលដាលនៅលើពិភពលោក ក៏ដូចជាក្នុងប្រទេសកម្ពុជា។

ថ្លែ​ងទៅកាន់ មន្រ្តីក្រោមឱវាទ ឯកឧត្តម ឃួង ស្រេង ស្នើសុំមន្រ្តីបំរើសេ​វាទាំងអស់ ស្វែងយល់ពីព័ត៌មានជុំវិញការរីករាយដាលនៃវីរុស កូវីត១៩ ជាពិសេសត្រូវមានការប្រុងប្រយ័ត្នខ្ពស់ ដោយអនុវ​ត្តតាមវិធានការណ៍ការពារខ្លួនដែលក្រសួងសុខាភិបាលបានផ្សព្វផ្សាយនាពេលកន្លងមកឱ្យបានខ្ជាប់ខ្ជួន។

ឯ​កឧត្តមបញ្ជាក់ថា មន្រ្តីបំរើសេវានានាទូ​ទាំង​ពិភពលោក ក៏ដូចជាមន្រ្តីបំរើសេវារបស់រដ្ឋបាលរា​ជធានីភ្នំពេញទាំងមូលផងដែរ គឺមានការប្រឈមទៅ និ​ងវីរុស កូវីដ១៩នេះ ដូច្នេះទាមទាឱ្យការការពារខ្លួនឱ្យបា​នល្អបំផុត ហើយនៅបន្តដំណើរការផ្តល់សេវាការងារ ជូនប្រជាពលរដ្ឋជាធម្មតាគ្រប់ផ្នែក ​ប៉ុន្តែបើសិនជាមានបញ្ហាសុខភាពអាចសំរាកនៅផ្ទះបាន ហើយរដ្ឋបាលរាជធានីភ្នំពេញនឹងបញ្ជូនក្រុមគ្រូពេទ្យឱ្យចុះទៅពិនិត្យ និងព្យាបាលសុខភាពជូនដល់ផ្ទះតែម្តង។

ជា​មួយគ្នានោះ ឯកឧត្តម ក៏បានជម្រាបជូនប្រជាពលរដ្ឋទាំងអស់ ត្រូវមានជំនឿចិត្តមកលើរដ្ឋបាលរាជធានីភ្នំពេញ និងសុំឱ្យស្តាប់នូវព័ត៌មានដែលផ្សព្វផ្សាយដោយរដ្ឋបាលរាជធានីភ្នំពេញ ដែលមានចុះហត្ថលេខាដោយរដ្ឋបាលរាជថា​នីភ្នំពេញ កុំជឿទៅលើព័ត៌មានបំប៉ោង និង​បំភិតបំភ័យនានា មិនមានការពិត។

​សូមបញ្ជាក់ជូនថា នៅក្រោយពិធីអប់រំផ្សព្វផ្សាយនោះដែរ អភិបាលរាជធានីភ្នំពេញ ក៏មានការ​ផ្ត​​​​​​ល់ជូនម៉ាស់ និ​ងជេលលា​ងដៃ ដល់មន្រ្តីបំរើសេវានានាចំណុះរដ្ឋបាលរាជធានីភ្នំពេញ ដើម្បីយកទៅប្រើប្រាស់ ក្នុ​ងការបំពេញការងារប្រចាំថ្ងៃជូនប្រជាពលរដ្ឋ ក្នុងរាជធានីភ្នំពេញ៕


ចែករំលែក

You might like

Leave a Reply

Your email address will not be published. Required fields are marked *