fbpx

លោក ឯក ឃុនឌឿន អភិបាលខណ្ឌទួលគោក ចុះកាយសំរាមតាមមាត់លូចេញ កុំអោយស្ទះផ្លូវទឹកហូរក្នុងមូលដ្ឋាន ទាំងកណ្តាលភ្លៀង!

ចែករំលែក

ភ្នំពេញ៖ ដោយសារតែមានភ្លៀងធ្លាក់មួយមេធំ ជាច្រើនម៉ោង លាយឡំខ្យល់កន្ត្រាក់ បណ្ដាលឲ្យផ្លូវមួយចំនួននៅក្នុងរាជធានីភ្នំពេញ រងការជន់លិច ដោយសារជំនន់ទឹកភ្លៀង នៅល្ងាច ថ្ងៃទី៦ ខែសីហា ឆ្នាំ២០២០ម្សិលមិញនេះ ។

ជាមួយគ្នានេះដែរ លោក ឯក ឃុនឌឿន អភិបាលខណ្ឌទួលគោក បានដឹកនាំកម្លាំង ចុះផ្ទាល់ធ្វើផ្ទាល់ កាយសំរាមតាមមាត់លូភ្លាមៗ ទាំងមេឃកំពុងភ្លៀងខ្លាំង ដើម្បីកុំឲ្យស្ទះផ្លូវទឹកហូរក្នុងមូលដ្ឋាន ដើម្បីឱ្យទឹកហូរអោយបានលឿន និង ជំលាសនៃការកកស្ទះចរាចរណ៍ផងដែរ។

គួរបញ្ជាក់ផងដែរថា ក្រោយភ្លៀងរាង មួយម៉ោងទៅពីរម៉ោង ផ្លូវមួយចំនួនក៏បានស្រកទៅវិញ ធ្វើចរាចរណ៍បានធម្មតា តែផ្លូវមួយចំនួន ក៏មិនទាន់បានស្រស់អស់ដែរ។

ក្នុងនាមអាជ្ញាធរមូលដ្ឋាន លោកអភិបាល ក៏បានសំណូមពរ ដល់ប្រជាពលរដ្ឋទាំងអស់ សូមជួយភ្ជាប់សំរាមឲ្យបានត្រឹមត្រូវ ដោយសារតែ ពេលភ្លៀងធ្លាក់ ឃើញមានសំរាម អន្ដែតពេញផ្ទៃទឹក និងហូរចូលមាត់លូ បង្កឱ្យចរន្តទឹកហូមិនរួច បណ្ដាលឲ្យលិចលង់៕


ចែករំលែក

You might like

Leave a Reply

Your email address will not be published. Required fields are marked *