fbpx

​សម​ត្ថកិច្ចស្រុកអង្គស្នួលឃាត់ខ្លួនជនសង្ស័យម្នាក់ពាក់ព័ន្ធ​ករណីចែកចាយគ្រឿងញៀន

ចែករំលែក

​កណ្តាល ៖ ជនសង្ស័យម្នាក់រួមនឹងវត្ថុតាងត្រូវបានកម្លាំងនគរបាលស្រុក​អង្គស្នួលឃាត់ខ្លួ​នពាក់ព័ន្ធករណីចែកចាយគ្រឿងញៀន ​នៅ​ថ្ងៃព្រហស្បតិ៍ ៣កើត ខែមាឃ ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី០៧ ខែកុម្ភៈ ឆ្នាំ២០១៩ ម៉ោង១១ និង​៣០នាទី នៅចំណុចលើខ្នងប្រឡាយស្ថិតនៅ ភូមិព្រៃពពេល ឃុំក្រាំងម្កាក់ ស្រុកអង្គស្នួល ខេត្តកណ្តាល។

​សមត្ថកិ​ច្ចបានឲ្យ​ដឹងថាជនសង្ស័យមានឈ្មោះ​​​​​​​​​​​​​​​​​​ ​សុង ខឺត ភេទប្រុស អាយុ២១ឆ្នាំ ជនជាតិខ្មែរ មុខរបរ ជាងផ្សាដែក មានស្រុកំណើតនៅភូមិខ្សុំ ឃុំបន្ទាយដែក ស្រុកកៀនស្វា​យ ខេត្តកណ្តាល សព្វថ្ងៃស្នាក់នៅភូមិ ព្រៃពពេល ឃុំក្រាំងម្កាក់ ស្រុកអង្គស្នួល ខេត្តកណ្តា​ល។ ​វត្ថុតាងចាប់យករួមមាន ៖ ​ម្សៅក្រាមពណ៌សថ្លាសង្ស័យជាសារធាតុញៀនម៉ាទឹកកកចំនួន០៨កញ្ចបតូច, ​ទូរស័ព្ទដៃ ០១គ្រឿង ម៉ាកណូគា​រអិនចុចពិល និងឧ​​បករណ៍ប្រើប្រាស់ថ្នាំ​ញៀនមួយចំនួនទៀត។

​សមត្ថកិច្ចបន្តថានៅមុនពេលកើ​តហេតុកម្លាំងជំនាញផ្នែកប្រឆាំងបទល្មើសគ្រឿងញៀនស្រុកអង្គស្នួល បានទទួល​ព័ត៌មានពីប្រជាពលរដ្ឋថា ​មានមុខសញ្ញាកំពុងជួញដូរ​ថ្នាំញៀន​។ភ្លាមនោះកម្លាំងផ្នែក ជំនាញ បានសហការជាមួយកម្លាំងប៉ុស្តិ៍រដ្ឋបាលក្រាំ​ងម្កាក់ បានចុះទៅដល់កន្លែងកើតហេតុខាងលើ បាន​ឃើញជនសង្ស័​យ​ឈ្មោះសុង ខឹត កំពុងឈរតាម​ផ្លូវ​ខ្នងប្រឡាយ​ ដោយមានការសង្ស័យ កម្លាំងជំនាញបានឃាត់ ឆែកត្រួតពិនិត្យខ្លួនឃើញមានថ្នាំញៀនចំនួន០៨កញ្ចប់តូចដាក់ក្នុងហោប៉ៅខោ។ ​នៅចំពោះមុខសមត្ថកិច្ចនគរបាល ជនសង្ស័យបានឆ្លើយសារភាពថា ថ្នាំ​ញៀន នេះខ្លួនបានទិ​ញពីឈ្មោះ សុខ សំបូរ ភេទប្រុសអាយុ៣០ឆ្នាំ ​ជនជាតិខ្មែរ នៅភូមិត្រពាំងក្រសាំង ​ឃុំបែកចាន ស្រុកអង្គស្នួល ខេ​ត្តកណ្តាល។

បច្ចុប្បន្នជនសង្ស័យរួមជាមួយវត្ថុតាងត្រូវបានបញ្ជូនមកកាន់អធិការដ្ឋាននគរបាលស្រុ​ក ដើម្បីសាកសួរបន្ត និងកសាងសំណុំរឿងចាត់ការតាមនីតិវិធី​ច្បាប់៕


ចែករំលែក

You might like

Leave a Reply

Your email address will not be published. Required fields are marked *